Përshkallëzohet protesta, studentët bllokojnë 3 rrugë kyçe në Tiranë

Ashtu edhe siç kishin paralajmëruar, studentët që protestuan para Kryeministrisë u ndanë në tre grupe dhe janë vendosur në 3 pika kyçe të kryeqytetit.

Të bllokuara nga studentët janë: Kryqëzimi tek Banka e Shqipërisë, rrethrrotullimi i Zogut të Zi dhe kryqëzimi pranë Kryeministrisë.

Studentët nuk kanë dhënë afat se sa do të vijojë kjo formë proteste, por shprehen se kryeministri Rama duhet të pranojë plotësimin e kërkesave dhe jo të kërkojë dialog nëpërmjet Instastory-t.

E sigurtë është sipas studentëve që nuk do të tërhiqen mbrapsht deri në plotësim të kërkesave të tyre pa dialog.