Përplasjet me BE! Pas deklaratës së bujshme të Ramës, vjen reagimi i fortë i Ylli Manjanit

Avokati Ylli Manjani ka reaguar pas debateve në distancës mes kryeministrit Edi Rama dhe Koordinatorit për Politikë të Jashtme të Parlamentit Europian, Michael Gahler, ku ky i fundit i kërkoi Ramës të mos përgojojë BE-në por të plotësojë kushtet për anëtarësimin në BE.

Postimi i Manjanit:

“Michael Gahler (zyrtari i BE që kritikon qeverinë) e furnizon me lajme SHQUPi – thotë Edi Rama.

Dakord, le ta marrim të mirqenë këtë që thotë Rama. Por të mos harrojmë dhe një gjë, në asnjë rast zoti Gahler nuk shprehet për shtatzaninë e sajuar të Griseldës. Nuk tregon se ka marrë ndonjë email nga dikush në Tiranë që denoncon haluçinacione…

Ai thjesht ka renditur shterpësinë e qeverisë. Dështimet e saj në raport me procesin e anëtarësimit.

Në këtë pikë, nëse Gahler dhe PD janë në bashkëpunim, po thonë të vërtetën”, – shkruan Manjani.