Dy ditë më parë ministri i Brendshëm, Sandër Lleshaj u përshi në një debat të fortë me drejtorin e Urbanistikës në Bashkinë Lezhë, teksa po vizitonte një pallat 12 katësh që është dëmtuar nga tërmeti.
Pallati në fjalë ndodhet në lagjen “Besëlidhja” dhe sipas banorëve ndërtesa ka pësuar dëmtime nga tërmeti i fortë i 26 nëntorit. Banorët kanë deklaruar se prej tri ditësh kanë kërkuar që pallati të verifikohet nga ekspertët nëse është i banueshëm ose jo. Por, një pretendim i tillë, është cilësuar i pa vend nga ministri i Brendshëm, Sandër Lleshaj, pasi sipas tij ndërtesa është e sigurt.
Pas një debati të gjatë me banorët, ministri pati dhe replika të forta me një nga inxhinierët e Bashkisë së Lezhës. Në pallatin në fjalë, banon dhe vetë kryetari i Bashkisë së Lezhës, Pjerin Ndreu, dhe sipas banorëve dhe inxhinierëve, ka qenë vetë Ndreu që ka folur për dëmtime të rënda në pallat.
Por ky i fundit, në një lidhje direkte në emisionin ‘Open’ dje shpjegoi incidentin e ndodhur ku tha se mendimi i zotërisë që debatoi me Lleshaj nuk ishte i pjekur.
“Është Drejtori i Urbanistikës së bashkisë. Është një djalë i shkëlqyer, arkitekt. Ai ka dhënë mendimin e tij aty, nuk ishte mendim që u përkrah dhe nuk ishte mendim i pjekur, ndoshta ambienti ku është thënë nuk ka qenë ambienti i duhur.
Aty ku thotë që e thotë kryetari është në kontekstin që duhet sjellë një grup tjetër për të bërë inspektimet, pasi unë ndodhem aty si kryetar i bashkisë, por edhe si banor i pallatit”- tha Ndreu.
“A ka një raport final të pranuar nga qytetarët?- e pyeti Eni Vaisili.
“Opinioni dhe vendimi që bashkohen të gjithë, përjashto ndonjë është se pallati nuk është i rrezikshëm”- vijoi Ndreu.
Diskutime rreth kësaj post