Përgjimet e kartelit të rrezikshëm, Elisa Spiropali bën deklaratën e fortë

Ministrja Elisa Spiropali është shprehur se përgjimet e Antimafias italiane nuk ofrojnë asnjë provë për shkelje në Shqipëri.

Ajo tha se personat që flasin në përgjime, edhe pse janë eksponentë të një karteli mafioz të rrezikshëm, janë në fakt disa delirantë.

“Mafiozët italianë që pretendojnë se njohin dikë në Shqipëri janë delirantë,” tha Spiropali.

Por analistët në studio i thanë se njeriu i tyre ka marrë 80 tendera në qeveri.

“Këtu në Tiranë janë dhënë 4 milionë metra katror për ndërtim. Nuk është dhënë asnjëherë në Tiranë,” tha Pano Soko, duke lajmëruar se do të depozitohet një padi në SPAK për përgjimet.

“Kujdes se po flet për mafian më të rrezikshme të botës, nuk janë delirantë ata,” shtoi më tej Soko.

Spiropali tha se kjo histori i ngjan asaj të Babales.