Në kushtet kur opozita, dy grupet brenda PD-së, bllokoi foltoren e Kuvendit, kryetari i grupit të PS-së, Taulant Balla i kërkoi Lindita Nikollës që të kalonte te votimi i rendit të ditës. Deputetët e opozitës të rebeluar tentuan t’u bllokojnë fjalën ministrave.
“Hë more tani, se nuk është me dhunë. Kam marrë fjalën, kam detyrim ligjor të prezantoj projektligjin” iu drejtua Niko Peleshi, Gazment Bardhit që nuk po e lejonte të fliste. “Ku është krimineli? Ku është palaçoja? Ku është futur?” ishin pyetjet e opozitës për ministrat dhe deputetët socialistë.
“Duam Edi Ramën këtu, jo Elisën. Agron Nezaj është diplomuar në sigurimin e shtetit, kur Spiropali nuk kishte lindur. Të vijë kryeministri dhe parlamenti ti kthehet normalitetit” tha deputeti Ferdinand Xhaferraj.
Diskutime rreth kësaj post