Ish-kandidati për kreun e Partisë Demokratike, Fatbardh Kadilli në një intervistë televizive, ka deklaruar se në të ardhmen PD duhet të vendosë nëse do të jetë në gjendje të ndahet nga e kaluara.
“Të vendosim nëse do jemi ne në gjendje të ndahemi nga e kaluara jonë sado e dhimbshme të jetë. A do jemi ne në gjendje ta mbështesim sistemin e ri të drejtësisë. Duhet të ndahemi nga çdo e keqe e së kaluarës, qoftë këto edhe të Berishës”, tha ai.
I pyetur se çfarë shije i la fakti që kur mori fjalën në Kuvend Basha iku, Fatbardh Kadilli thotë se kreu i PD do të duhet ta dëgjonte fjalimin e tij dhe jo ato fjalime që i kishte lexuar më parë.
“Shije të mirë nuk më la në mënyrë absolute. Ai duhej të dëgjonte fjalimin që nuk e ka lexuar më parë dhe jo të atyre që ua ka lexuar më parë apo jua ka orientuar fjalimin. Nuk më la shije të mirë sepse unë pres që të reflektojë”, tha ndër të tjera Kadilli.
Diskutime rreth kësaj post