Pasi mori detyrën e rëndësishme në Këshillin Europian, reagon për herë të parë Eglantina Gjermeni

Deputetja e PS, Eglantina Gjermeni ka marrë para pak ditësh detyrën e rëndësishme të Kryetares së Nënkomisionit për Barazi Gjinore në Asamblenë Parlamentare të Këshillit të Europës. Deputetja ka reaguar për herë të parë pas arritjes së këtij suksesi.

Reagimi i Gjermenit:

“FALEMINDERIT

Këto ditë jam ndjerë zemërplot, e vlerësuar e mbështetur nga të gjithë ju mikesha e miq të mirë.

Zgjedhja në pozicionin e kryetares së Nënkomisionit për Barazi Gjinore, pranë Asamblesë Parlamentare të Këshillit të Europës, është për mua një vlerësim, përgjegjësi dhe angazhim politik e profesional në një fushë që e kam për zemër.

Ju jam thellësisht mirënjohëse për urimet, mesazhet, vlerësimet bujare dhe mbështetjen tuaj të pakursyer që nuk më ka munguar asnjëherë”, shkruan Gjermeni.