Pasi ka paralajmëruar se do të kallëzojë penalisht në SPAK ministren e Drejtësisë, Etilda Gjonaj, dhe i ka kërkuar që të japë sa më parë dorëheqjen, presidenti Ilir Meta nuk ndalet.
Ai ka takuar sot raporteren e Parlamentit Europian, Isabel Santos.Presidneti edhe në këtë takim nuk ka nguruar të sulmojë maxhorancën teksa shkruan: “Lakmia e mazhorancës për të kapur me çdo mjet antikushtetues Gjykatën Kushtetuese cënon integritetin e këtij institucioni dhe kompromenton rëndë vullnetin e kësaj mazhorance për të çelur negociatat e anëtarësimit”.
Postimi i plotë:
Kënaqësi të takohesha me raporteren e Parlamentit Europian, znj. Isabel Santos. Mirënjohës për ndihmën që institucionet europiane dhe vendet anëtare dhanë në ndihmë të popullit shqiptar.
Lakmia e mazhorancës për të kapur me çdo mjet antikushtetues Gjykatën Kushtetuese cënon integritetin e këtij institucioni kyç për llogaridhënien qeverisëse dhe kompromenton rëndë vullnetin e kësaj mazhorance për të çelur negociatat e anëtarësimit me Bashkimin Europian.
Miratimi i ligjit antikushtetues ditën e mbërritjes në Tiranë të Komisionit të Venecias dëshmon mungesën e thellë të respektit ndaj këtij institucioni ndërkombëtar, dhe fakton se qëllimi i vetëm i kësaj mazhorance është rikthimi i diktaturës përmes “mjeteve ligjore”.
Diskutime rreth kësaj post