Pas Tiranës edhe studentët e Elbasanit bojkotojnë mësimin dhe dalin në protesta

Protestat e studentëve kundër tarifave të shkollimit duket se po shtrihen në të gjithë Shqipërinë. Pas Tiranës, tani janë edhe studentët e Universitetit të Elbasanit që kanë paralajmëruar bashkimin në protesta duke bojkotuar fillimisht mësimin.

Ata kërkojnë heqjen e tarifës të vendosur në maj të vitit 2018 nga Këshilli i Ministrave. Studentët e Elbasanit kanë paralajmëruar bojkotim të mësimit deri në pezullim të vendimit.