Ambasadori i Gjermanisë në vendin tonë Peter Zingraf është takuar ditën e sotme me kryetarin e Bashkisë së Vlorës Dritan Leli në kuadër të bashkëpunimit gjermano-shqiptar në Vlorë, Himarë dhe Sarandë.
Reagimi i Dritan Lelit:
“Ka përfunduar tashmë thuajse 50 % e punës për ndërtimin e Qendrës së Menaxhimit të Integruar të Mbetjeve Urbane. Falë bashkëpunimit të qeverisë gjermane me qeverinë shqiptare, një prej përfituesve të këtij programi është edhe territori i Bashkisë Vlorë, për të cilin do të marrë fund praktika primitive e trajtimit të mbetjeve, për t’i hapur rrugën një epoke të re, moderne, që do të shndërrojë edhe cilësinë e jetës në qytet. Kjo ishte ndalesa e tretë e kësaj dite, me ambasadorin gjerman Peter Zingraf të cilin përveçse e falenderoj shumë, e mirëpres për të gjitha bashkëpunimet e ardhshme për Vlorën”., ka shkruar Leli.
Diskutime rreth kësaj post