Na ndajnë dy muaj nga edicioni i 65 i Eurovision Song Contest, i cili sivjet do të zhvillohet në Rotterdam. Ashtu si edhe herët e shkuara, menjëherë sapo prezantohen këngët e vendeve pjesëmarrëse, artistët fillojnë të bëjnë promot e para apo të japin intervistat e para.
Të njëjtën gjë ka bërë edhe Anxhela Peristeri, e cila do të përfaqësojë Shqipërinë me këngën “Karma”.
Së fundmi, artistja e dashur ka dhënë një intervistë për ‘WiWibloggs’, e cila na ka kujtuar pak Jonida Maliqin dhe Eneda Tarifën, më saktë anglishten e tyre që krijoi shumë polemika dhe meme.
Këngëtaret shqiptare që zgjidhen për të konkuruar në “Eurovision”, duket se i ndjek nga pas një mallkim. Bëhet fjalë për gjuhën angleze. Së fundmi, këngëtarja Anxhela Peristeri ka dhënë një intervistë për “wiwibloggs”, për të folur në lidhje me këngën e saj me të cilën do të përfaqësojë Shqipërinë, por ka dështuar.
Teksa shpjegonte subjektin e këngës, Peristeri ka ngecur në zgjedhjen e fjalëve, por nuk ka lejuar që situata t’i dilte nga kontrolli dhe ka zgjedhur tingujt për t’u shprehur. Mesa duket vajzat e njohura të skenës i ndjek mallkimi i anglishtes nga pas, dhe Anxhela sikur ka nevojë të punojë pak më shumë me këtë pjesë.
VIDEO:
Diskutime rreth kësaj post