Ditën e sotme Partia Demokratike ka denoncuar sot se Partia Socialiste ka përdorur të dhënat personale të qytetarëve shqiptarë. Ish-deputeti Enkelejd Alibeaj deklaroi sot se në mënyrë të paprecedentë, në Selinë e PS janë vendosur kompjutera dhe servera që përgjojnë dhe përdorin të dhënat personale të qytetarëve nga portali e-Albania.
Sipas tij, përdorimi i databazës së e-Albania nga Edi Rama dhe zyrtarë të PS-së përbën vepër penale. Për këtë, theksoi ai PD po përgatit një padi që do ta dorëzojë në SPAK. Pas kësaj deklarate të fortë ka reaguar numri dy i socialistëve, Taulant Balla.
Deklarata e Ballës:
“O shpifësa të dëshpëruar! Partia Socialiste ka databazën e saj të të dhënave të krijuar me vite të tëra organizimi dhe komunikimi derë më derë me njerëzit. Quhet punë në terren kjo dhe bëhet me kontakte direkte jo me makina e me flamunj, prandaj prisni me qetësi 25 prillin dhe mos kujtoni se sa më shumë makina e zhurmë rrugëve aq më shumë vota në kutinë ku vendoset e ardhmja!”, shkruan Balla.
Diskutime rreth kësaj post