Ish-kryeministri i Greqisë, George Papandreou ka zbuluar përmes një postimi në rrjetet sociale, arsyen e vizitës së Ramës dhe Kurtit drejt Athinës.
“Kështu, unë e mirëpres Albin Kurtin, atë dhe familjen e tij përsëri këtë vit, të cilin dua ta përgëzoj për zgjedhjen si kryeministër i Kosovës, që nga takimi ynë i fundit në Symi” – shkroi George Papandreou në Facebook, teksa falenderoi hotelin “Grand Resort Lagonissi” për akomodimin e të ftuarve.
Por duket se këtij eventi i është shtuar edhe kryeministri i Shqipërisë Edi Rama i cili ka mbërritur ditën e djeshme dhe është pritur nga ish-kryeministri i Greqisë, George Andreas Papandreou.
Siç duket nga pamjet e siguruara nga Top Channel takimi mes dy zyrtarëve është tejet i ngrohtë.
Mediat bëjnë me dije se Rama dhe Kurti janë bërë pjesë e pjesë e edicionit të 23-të të Simpoziumit të Symit të organizuar nga ish kryeministri i Greqisë, George Papanderou.
Simpoziumi Symi është një mbledhje që mbahet një herë në vit, me mendimtarë globalë që ndjekin traditën e filozofëve antikë grekë.
FOTO:
VIDEO:
Diskutime rreth kësaj post