O nënat!

Nga Anri Bala

E pabesueshme do ishte për një njeri normal, ajo që dëgjova dje. Por kur të dëgjova ty “mjeshtër” i politikës së jashtme, që po na bindje, se kushtet nuk i vendosim ne por BE-ja, dyshova shumë, për të mos thënë  se u binda për të vërtetën. Ju kishit dalë kundër hapjese së negociatave Shqipëri BE.

Nga që jeni i paaftë në pozicionin që mbuloni, e ngatërruat më shumë  veten, duke na bindur se ju, e kishit bërë skandalin. Lumi i kritikave të mbarë opinionit shqiptarë dhe i mediave,  duke përjashtuar ato që paguhen nga parat tuaja të pista, duhet t’i u kishin detyruar, që sot të kishit bërë autokritikë të heshtur, duke i tërhequr amendimet dhe duke votuar caktimin e datës së negocitave.

Por ju, jo që nuk e bëtë, por u bëtë “band”  xhaketkthyerish, demokomunistësh dhe demokratësh taze, për të deklaruar “trimërisht”, se jemi kundër hapjes së negociatave . Mirëpo, pas gjithë kësaj historie, mos mendoni se nuk  po i’u kupton askush se me kë jeni, kundër kujt jeni, dhe çfarë kërkoni. Një gjë është e sigurtë, ju jeni antishqiptarë dhe jeni antishqiptarë të deklaruar.

Nuk besoj, se ka në botë politikan, që i zë rrugën ecjes së kombit të tij, drejt begatisë?! Nuk besoj, se ka parti apo politikan, që mund të përfitoi favore, duke i vënë stërkëmbëshin vendit dhe njerëzve të tij?! Nuk mundeni  kurrë  ju mjeran, që për inate personale politike të talleni me ne dhe të bllokoni të ardhmen tonë.

Ju nuk  bllokoni “armiqtë” tuaj politik imagjinarë, por edhe nëse e arrini, atyre as nuk i’u plas fare, sepse ata e dinë se sa të parrezikshëm jeni, e se do i lini në pushtet deri sa të mërziten. Mirëpo, ju na bllokoni ne, bllokoni Shqipërinë. Manovrat tuaja prej palaçosh, do i’u zhysin  më thellë në moçalin e rrugës së çoroditjes.

Veprimi i juaj, është një krim më i madh si ai i kolegut tuaj, që shiti një copë Shqipër,i sikur ishte “tokë babe”.  Ju, me guximin e të çmendurit, po lini peng gjithë Shqipërinë, në bixhozin tuaj të ndyrë. Jeni të humbur! Është barre e rëndë, që ta mbaj kush në kurriz ! Peshon Shqipëria dhe peshon shumë, ndaj nuk mbahet! Nuk do arrini asgjë, por ama, na  bindët, se e keni me ne, sepse nuk i’u ndihmojmë të fitoni në kazinon  e politikës, ato që keni humbur. Por ju, nuk e pysni veten,  se përse?! Kudo një përgjigje do merrni: Jeni të pashpresë dhe ne nuk duam të bëhemi si ju.

Tani, nuk di se çfarë të bëjmë me ju, që jeni kaq të poshtër, sa nuk do ngopesha duke i’u sharë, për të gjitha poshtërsitë që keni bërë e po  na bëni: O nënat në… por jo ato biologjike, ato të inkubatorit, nënat tuaja politike, që shumë shpejt, bashkë me ju këlyshë do të dënohen, jo me votë, por me çekiç drejtësie! Të mjerët ju! Po e kërkoni vetë ferrin.