Analistët Andi Bushati dhe Baton Haxhiu janë përfshirë në një debat mbrëmjen e djeshshme për ndryshimet në qeveri dhe largimin e dy ministrave të ardhur nga Kosova, Besa Shahini dhe Gent Cakaj.
Sipas Bushatit, ata u shkarkuan kur Edi Ramës i ra plani që kishte me Hashim Thaçin dhe Aleksandër Vuçiçin për shkëmbimin e territorit mes Kosovës dhe Serbisë, duke i quajtur ministrat të pavlerë dhe të pilotuar nga kryeministri.
Menjëherë aka ndërhyrë analisti Baton Haxhiu, i cili tha se Besa Shahini dhe Gent Cakaj janë shkarkuar në një moment krize dhe nuk janë përdorur për shkëmbim territoresh, madje për Cakajn u shpreh se ishte djali që të gjitha ministritë do të donin ta kishin, por është mëkat që nuk ka bërë asnjë betejë intelektuale dhe politike.
“Lidhje nuk ka Besa Shahini dhe Gent Cakaj me plane që kanë të bëjmë e korrigjim kufijsh, lidhje nuk ka. Lidhje nuk ka sepse janë të gjithë ministra të nëntorit dhe janë shkarkuar dhe emëruar në një moment krize dhe kriza ka qenë demonstrata e studentëve dhe nuk ka pasur lidhje me Kosovën.
Unë e di që Gent Cakaj është një prej djemve të cilët secila ministri e Jashtme në Evropë do të donte ta kishte një njeri të përkushtuar. Problemi është se ai nuk ka bërë asnjë betejë në Shqipëri dhe në studiot televizive më vjen keq që nuk ka bërë asnjë betejë intelektuale dhe politike”, tha Haxhiu.
Diskutime rreth kësaj post