Sekretari për Çështjet Vendore në Partinë Demokratike, Roland Bejko ka dalë me një reagim të fortë në rrjetet sociale për zgjedhjet në PD që rikthyen Sali Berishën si kryetar.
Teksa ironizon rezultatin në Gjirokastër, ku thuhet se kanë marrë pjesë 1018 demokratë, Bejko “shpërthen” kundër Tritan Shehut.
“O Tritan, o trim me fletë, ça po i bën asaj partie mor tu bëftë në grykë e të hëngërt. Ajo parti është mundi dhe sakrifica jonë për 32 vite mor.. mor…, mor morr! Nejse, qëkur mbeti në dorë tënde, në dash qelbe, në dash fënde, -thotë Feruzi i Nebil Cika.
Po si ka mundësi që as skuqen as zverdhen për turpet që bëjnë këta mo, si ka mundësi?!!”, shkruan Bejko ndër të tjera.
Pas reagimit të ashpër të Roland Bejkos kundër Tritan Shehut, ka reaguar dega e kësaj partie në Gjirokastër. Përmes një deklarate PD Gjirokastër i përgjigjet gjithashtu ashpër Roland Bejkos teksa e etiketon si “humbës të përjetshëm” dhe të katapultuar nga Partia Republikane.
“Per te qene transparente si kurre me pare, u bejme me dije te gjithe antareve, simpatizanteve dhe atyre qe na ndjekin pas gardhit se: Sot moren pjese ne votim 1049 antare te PD ne Gjirokaster. Prof.dr. Sali Berisha mori 1018 vota. Z.Ibsen Elezi mori 21 vota. Te pavlefshme 10 vota. Te pakten qe prej vitit 2014 e deri ne vitin 2021 antaresia ne listat e PD ne Gjirokaster i kalonte 2500 veta duke e fryre kete liste vit per vit per shkak te orekseve elektorale te kryetareve. Arritem ne kohe te shkurter te filtronim nje liste efektive, te antareve te vertete dhe do e plotesojme dita dites.
Por dhe sot, humbesi i perjetshem dhe enderrimtari i karriges kembethyer te deputetit, kerkon te hedhe balte mbi antaresine aktive te PD qe ka sakrifikuar jeten,familjen, per tekat e e tij. Po ketij humbesi kronik do i kujtojme shifrat e frikshme te 2017, kur i raportonte Bashes qe 1200 demokrate te Gjirokastres e shkrine si akullore kur ai ngriu funksionet. Keta ishin anetare, apo mes tyre gjeje dhe socialiste te kamufluar?
Po demet e ketij kryetari te katapultuar nga PR duke zbuar antare i ka harruar? Po pazaret me deputetet mbushes te listave te Bashes i ka harruar? Po sot qe ne baze nuk e takon apo nuk e pranon njeri? Sot i katandisur si megafon i prishur, qan per harresen dhe percmimin qe po i bejne demokratet. Po kjo eshte hera e fundit qe merremi me te sepse nuk kemi me nge te merremi me fosile te degraduara. Tani e kemi detyren te bejme bashke copat qe la pas ai dhe kushdo tjeter qe PD e donte per interes personal. Dhe do t’ia dalim! Respekt per demokratet e thjeshte”, thuhet në reagim.
Diskutime rreth kësaj post