“Nuk mund të dalë një forcë e re dy muaj para zgjedhjeve!” Plas keq sherri mes gazetarit të njohur dhe Ralf Gjonit e Myslim Murrizit

Me tone të ashpra u shoqërua mbrëmjen e djeshme debati në emisionin ‘Spotlight’ mes gazetarit Enton Abilekaj dhe deputetëve opozitarë Myslim Murrizi e Ralf Gjoni teksa po diskutonin për zgjedhjet e 25 prillit.

Murrizi u përball me deklaratën e gazetarit Enton Abilekaj, i cili u shpreh se nuk mund të ketë një forcë të re politike në kaq pak kohë para zgjedhjeve që të përfaqësojë të gjithë ata që janë të zemëruar me klasën politike.

Enton Abilekaj: Jemi dy muaj para zgjedhjeve, nuk mund të dalë një forcë që të përfaqësojë të gjithë ata që janë të zemëruar me klasën politike, të ngjashëm me atë që ndodhi në Kosovë, ne nuk e kemi këtë.

Ralf Gjoni: Ky është edhe proces

Enton Abilekaj: Një proces që duhet të fillojë, nuk jam kundër

Myslim Murrizi: Kemi filluar, e kemi marrë thesin me farë jonxhe edhe po e mbjellim gjithandej. Po mbjellim, po që do mbijë, do mbijë se s’bën…