Nuk ka shkëputje, Vllaznia ndalet përballë Kastriotit dhe u jep përparsi rivalëve

Vllaznia ndalet në Superligë, duke i dhënë një asist të gjithë rivalëve në garën për titullin kampion. Skuadra shkodrane nuk shkoi më shumë se barazimi pa gola kundër Kastriotit në ndeshjen e luajtur në “Loro Boriçi”.

Megjithëse ishin më kërkues dhe iu afruan më shumë golit, të besuarit e Brdaric nuk arritën të gjejnë rrugën e rrjetës, duke u mjaftuar me një pikë në javën e 16-të të Superligës. Kjo ndalesë e Vllaznisë, i jep mundësi ndjekësve më të afërt të Partizanit dhe Teutës të ngushtojnë diferencën në renditje në përballjen direkte që luajnë të hënën.