Sergio Oliveira është zyrtarisht lojtari më i ri i Galatasaray, ku mesfushori ka bërë zgjedhjen e tij, pasi nuk u ble nga Roma dhe tashmë do të nisë një eksperiencë të re, në kampionatin turk.
Gjithsesi, kartonin e lojtarit e dispononte Porto, me portugezët të cilët e kishin dërguar në formë huazimi te skuadra e Mourinhos, ndërsa italianët në fund të sezonit vendosën për të mos e blerë përfundimisht mesfushorin.
Klubi turk ka njoftuar se do t’i paguajë Portos 3 milionë euro për të blerë 30-vjeçarin, i cili ka nënshkruar një kontratë 4-vjeçare me një pagë 2.7 milionë euro në sezon.
Diskutime rreth kësaj post