Ish këshilltari i Toni Blair dhe njeriu që ka bërë fushatat elektorale të Edi Ramës, Alastair Campbell, në një shkrim të gjatë ku i fton bashkëkombasit e tij se përse duhet të shkojnë turisë në Shqipëri (lexo shkrimin poshte), tregon edhe mardhënien që shpesh ka ngjallur shumë kërshëri se si u njoh me kryeministrin shqiptar.
“Për sa i përket përfshirjes sime në këtë vend ajo shkon 6 ose 7 vjet më pare” tregon Alastair Campbell në një shkrim të botuar në Tirana Post.
“Mund të themi pa rezerva se Rama është një tifoz i madh i Laburizmit të Ri, i politikave të Tony Blair dhe përqasjeve tona për strategjinë dhe komunikimin. Por, kur sekretari i tij i shtypit Endri Fuga më kontaktoi për herë të parë në Facebook dhe më pyeti a do të shërbeja si këshilltar në fushatë, unë me mirësjellje po tentoja ta neglizhoja. Ai vazhdoi dhe këmbënguli dhe kur unë bëra gabimin t’i thosha që të më takonin herën tjetër kur të vinin në Londër – një lëvizje klasike për të neglizhuar – ai më tregoi se ishin rrugës.
U takuam: Lideri i opozitës Rama, Fuga dhe unë në shtëpinë time. Ishte e pamundur të mos i pëlqeje ose të mos kaploheshe nga ambiciet e Ramës për Shqipërinë dhe Ballkanin në përgjithësi. Prapavija e tij ishte më interesante se e pjesës më të madhe të politikanëve – një ish-basketbollist ndërkombëtar dhe artist i arrirë – ai fliste pafund në takime dhe publikonte në media rregullisht. Kishte qenë ish kryebashkiaku i Tiranës. Për mua ishte një rajon me interes që pas konfliktit në Kosovë, kështu që ramë dakord të takohemi në Tiranë dhe të shohim nëse ka ndonjë mënyrë që ne të punojmë së bashku” shkruan Alastair Campbell.
Dhe më pas ai flet edhe për Berishën për të treguar për opinionin britanik mjedisin politik ku lundron Edi Rama.
“Një nga eksperiencat e mia të para shokuese në këtë vend ka qenë të shihja Sali Berishën që ia kishte ngulitur sytë kamerës nga një fjalim i tij në parlament dhe i drejtohej të ëmës së Edi Ramës duke e pyetur a do të pranonte që djali i saj ishte i diagnostikuar si një skizofren paranojak? Ajo e hodhi në gjyq, por gjykata (e cila është e famshme për nivelet e korrupsionit, por Rama ka në qendër të axhendës së tij reformën në drejtësi) vendosën se politikanëve u lejohet të thonë çfarë të duan me njëri-tjetrin” ka treguar këshilltari i fushatave të Ramës në një shkrim ku ai përpiqet të shpjegojë se pse shqipëria është një vend që duhet vizituar.
Diskutime rreth kësaj post