Sekretari i Përgjithshëm i Partisë së Lirisë, Tedi Blushi ka denoncuar në një deklaratë për mediat numrin e lartë të të burgosurve në Shqipëri, në krahasim me vendet e rajonit.
“Një tjetër rekord i zi tronditës është që Shqipëria radhitet sot e para në rajon për numrin e të burgosurve në raport me popullatën.
Me 179 pikë ndërkohë që vendet e tjera të rajonit janë poshtë kësaj shifre tronditëse”, tha Blushi duke iu referuar një raporti nga organizata prestigjioze “Ëorld Prison Population” edicioni i 13.
“Ky tregues kritik prova më e qartë se në Shqipëri në vend se të hapen vende të reja pune, shtohet numri i personave në burgje.
Shkaku kryesor i kësaj situate është vetëm varfëria dhe humbja e shpresës. qeveria vjedh cdo ditë miliarda euro me inceneratorë, koncensione, tendera sekretë dhe PPP”, tha Blushi.
Deklarata e plotë e Sekretarit të Përgjithshëm të Partisë së Lirisë, Tedi Blushi
Në dhjetë vite në pushtet Qeverisja e korruptuar dhe e inkriminuar e Edi Ramës e ka kthyer Shqipërinë në vendin e parë në rajon dhe në Europë për:
1. Nivelin më të lartë të varfërisë.
2. Nivelin më lartë të korrupsionit.
3. Për numrin më të lartë të azilkërkuesve në vendet e BE
4. Nivelit më të lartë të kriminalitetit dhe trafiqeve
5. Për dhunimin e lirisë së medias.
Por një tjetër rekord i zi, tepër tronditës dhe i paimagjinueshëm është që Shqipëria radhitet e para në rajon për numrin e të burgosurve në raport me popullatën.
Lajmi bëhet i ditur nga organizata prestigjioze “Ëorld Prison Population” edicioni i 13, e cila e radhit Shqipërinë me 179 pikë, ndërkohë që të gjithë vendet e rajonit janë poshtë kësaj shifre tronditëse dhe konkretisht:
Mali i Zi me 139 pikë
Maqedoni e Veriut me 103 pikë
Kosova me 93 pikë
Bosnja dhe Hercegovina me 83 pikë.
Ky tregues kaq kritik është prova më e qartë se në Shqipëri në vend që të hapen vende pune, shtohen personat në burgjet.
Në vend që Shqipëria të kthehet në vendin e shpresës, është kthyer në një burg të madh.
Shkaku kryesor dhe i pakundërshtueshëm i kësaj situate është vetëm varfëria, humbja e shpresës për shkak se vendi qeveriset nga një Qeveri hajdute që grabit miliarda me inceneratorët, koncensione, tendera e që praktikisht vjedh në çdo gjë.
Ky fakt provon se në Shqipëri, me Qeverinë e Edi Ramës rritet vetëm varfëria dhe burgosja.
Në vendin me kriminalitetin më të lartë në rajon, Qeveria i mbush burgjet me hallexhinjtë dhe jo me kokat e vërteta të korrupsionit, të krimit të organizuar, trafikantëve dhe pastruesve të parave.
Vetëm lufta e hapur dhe pa kompromis kundër korrupsionit parandalon falimentimin e Shqipërisë dhe rikthen shpresën tek qytetarët, që në masë po detyrohen të braktisin Atdheun.
Çlirimi i Shqipërisë nga korrupsioni dhe kapja e shtetit është sot interesi dhe prioriteti ynë vendimtar!
Diskutime rreth kësaj post