Një tjetër deputete e opozitës parlamentare pro marrëveshjes

Deputetja e opozitës së re, Suzana Topi, ka konfirmuar sot se do të votojë pro marrëveshjes së arritur në 5 qershor në Këshillin Politik.

Reagimi i plotë:

“Konfirmoj votën pro për këtë dakordësi, pa asnjë ndryshim tjetër.

Tashmë parlamenti e ka shumicën e nevojshme për të votuar një orë e më parë dakordësine e 5 qershorit dhe për t’i qëndruar korrekt konsensusit, duke mos ndërmarrë asnjë ndryshim të njëanshëm që cenon konsensusin e arritur mes forcave politike.

Shqipëria e ka vendin vetëm në Europën e Bashkuar. Qëndrimi dhe vota ime është dhe do të mbetet në funksion të integrimit sa më të shpejtë me Europë.

Kësaj i shërben dhe votimi i kodit zgjedhor, pa asnjë ndryshim tjetër të njëanshëm. Ky është plotësimi i një nga 15 kushtet për hapjen e negociatave.

Ftoj mazhorancën që t’i qëndrojë zotimit dhe të sjelle në kuvend kodin zgjedhor sa më parë për t’u votuar!!”, shkruan Topi.