Një foto e rrallë e Fan Nolit në moshën 58-vjeçare është blerë në Ebay nga gazetari i Zërit të Amerikës dhe studiuesi, Ilir Ikonomi. Në postimin në Facebook ai thotë se fotoja mban datën 7 dhjetor 1940 dhe është bërë në Boston nga një gazetar amerikan.
Ja çfarë shkruan Ilir Ikonomi në përshkrimin e fotos:
“Thuhet gjithnjë e më shpesh për një foto ose një dokument se “është i rrallë”, aq sa kuptimi i vërtetë kësaj fjale është zbehur mjaft.
Por, kjo foto e Fan Nolit 58-vjeçar që e bleva në Ebay është vërtet “e rrallë”. Ajo mban datën 7 dhjetor 1940 dhe është bërë në Boston nga një gazetar amerikan.
Në atë kohë, Shqipëria ishte e pushtuar nga Italia dhe disa gazeta përmendnin ish-Kryeministrin Fan Noli si njërin ndër kandidatët për të kryesuar Shqipërinë pasi ajo të çlirohej. Natyrisht, në atë kohë, askush nuk e dinte se lufta do të zgjaste edhe 4-5 vite të tjera. Por Nolit i vinin shumë thirrje nga emigrantët shqiptarë që të bëhej udhëheqësi kombëtar i Shqipërisë së pasluftës.
Më 1940, ai kishte më pak se një vit që kishte marrë shtetësinë amerikane dhe vazhdonte të ishte peshkop i Kishës së Shën Gjergjit në Boston. Nuk kishte shprehur ndonjë ambicie për t’u përfshirë në politikën e Shqipërisë së pasluftës dhe merrej më tepër me liturgji e me studime historike.
Noli bënte një jetë të qetë, ashtu siç duket edhe në këtë fotografi, ku ka dalë i menduar, në një pozë spontane, që e tregon më shumë studiues sesa prift”.
Diskutime rreth kësaj post