Numri 2 i PS, Taulant Balla ka dhënë një lajm fantastik mëngjesin e sotëm përmes një postimi në rrjetet sociale. Balla bën të ditur se falë bashkëpunimit të DPSHTRR-MIE me Bashkinë e Elbasanit dhe mbështetjen e qeverisë Rama do të bëhet realitet projekti i shumëpritur i Auto Moto Park Elbasan.
Postimi i plotë
“AUTO MOTO PARK ELBASAN, një ëndërr e shumëpritur, së shpejti realitet. Një hap historik për automotorizimin shqiptar dhe aktivitetet automobilistike, si dhe për promovimin e kulturës së motorsportit
Cirkuiti i parë shqiptar me pistë ~5.3 km dhe një sipërfaqe prej 500,000+ m2 përbri lumit Shkumbin, në zonën e Krastës së Elbasanit, sipas standardeve të FIA, FIM dhe CIK.
Muzeu dhe atelieri RETRO, drag-strip me gjatësi 1.2 km në kushte sigurie, autodrom dhe kartodrom i parë i homologuar, akademi motosporti dhe akademia e edukimit mbi sigurinë rrugore, poligone profesionale testimi, pistë off-road, helipad dhe zonë sportive mjetesh ajrore ultra të lehta.
Investimi përfshin edhe kompleksin e ri të DRSHTRR Elbasan me Qendrën e re të Kontrollit Teknik (kolaudimi), dedikuar shërbimeve të transportit rrugor.
Projekti do të financohet nga fondet e DPSHTRR-MIE në bashkëpunim me Bashkinë e Elbasanit dhe me mbështetjen e Qeverisë sonë.”, – shkruan Balla.
VIDEO:
Diskutime rreth kësaj post