Të gjitha llojet e sëmundjeve mund të gjejnë “strehë” në dimër, ndaj edhe mjekët këshillojnë herë pas here të bëni kujdes, përveç antibiotikëve, edhe me ushqimet që duhet të hani më shumë apo më pak gjatë këtij sezoni. Siç këshillojnë mjekët, kur antibiotikët nuk janë të nevojshëm, sepse ulin imunitetin e trupit, mund të bëni rezistencë dhe mund të luftoni bakteret edhe me ushqimet.
Por çfarë duhet të hani më shumë nëse jeni prekur nga virozat apo gripi i stinës?
Produktet e fermentuara si kosi, me proteina dhe vitaminë D në përbërjen e tyre mund të ndihmojnë për të luftuar virozat. Por gjithashtu, shumë në ndihmë ju vijnë edhe turshitë, thonë mjekët. Turshitë janë miqtë më të mirë kur jeni sëmurë. Forcojnë sistemin imunitar, por ushqejnë edhe zorrët me baktere të mira. Të gjitha variantet e tyre, duke filluar që nga specat, domatet, karotat apo lakrat. Çdo lloj ushqimi shoqërojeni me turshi për të rritur imunitetin.
Diskutime rreth kësaj post