“Nëse fiton PD-ja, do të na rikthehet Çiljeta”, Julian Deda bën me deklaratën e papritur

Aktori i humorit, Julian Deda, i ftuar dje në ABC iu bëri thirrje qytetarëve që të votojnë Partinë Demokratike në zgjedhjet e 25 prillit dhe për këtë renditi disa arsye.

Sipas tij, nëse PD-ja fiton, njerëzit vetëm do të qeshin, sakaq me shaka ka shtuar se me këtë parti në pushtet do të rikthehet edhe këngëtarja Çiljeta Xhilaga.

Deklarata e Dedës:

“Qytetarë të Shqipërisë, me ne do të qeshni. Do të qeshi mirë edhe ai që do të qeshi i pari dhe jo ai që qesh i fundit. Me ne nuk do të ekzistojë shprehja ‘qesh e qaj’. Vetëm qesh. Kur të fitojmë ne, gotat e rakisë do t’i kthejmë dhe barcaleta do tregojmë shumë që të qeshim. Unë qesh, ti qesh, ai ajo qesh, ne qeshim ju qeshni, ata vjedhin. Thoni të gjithë një zëri: Julian Deda tungjatjeta. Me mua në pushtet do të na rikthehet Çiljeta”, u shpreh Julian Deda.