Erkand Qerimaj regjistroi një tjetër sukses madhështor në karrierën e tij. Peshëngritësi shkodran, pasi u shpall kampion Europe në stilin e shtytjes në vitin 2014, koleksionoi një tjetër rezultat mjaft të rëndësishëm në këtë edicion të Europianit që u mbajt në Kroaci. 28- vjeçari, jo vetëm që përfitoi titullin e nënkampionit të Europës në shtytje, por për herë të parë i dhuroi Shqipërisë një medalje në dygarësh, atë të bronxit. Peshëngritësi kuqezi deklaroi se një triumf i këtij niveli është një arritje vërtetë madhështore.
Qerimaj foli edhe për duelin kuqezi mes tij dhe Daniel Godellit duke u shprehur se për të personalisht ëshë një stimul më shumë konkurenca me shtangistin elbasanas.
Erkand Qerimaj po konfirmon gjithnjë e më shumë se është një ndër sportistët me nivelin më të lartë në vendin tonë. Oranews.tv/
Diskutime rreth kësaj post