Mjeku i njohur Tritan Kalo ka bërë apel për kujdes të gjithë shqiptarëve duke theksuar se të gjithë janë njëlloj të rriskuar dhe se nuk ka kufi moshor në këtë rrezik.
Kalo i pyetur se a do kemi në Shqipëri test si në SHBA që del rezultati për 45 minuta tha:
“Testimet e shpejta ende nuk janë të certifikuara nga Organizata Botërore e Shëndetësisë po punohet me përparësi në mënyrë që të futen sa më shpejt në praktikën klinike. Së dyti në konferencën më të fundit të OBSH theksojnë se bëhet fjalë për kombinimin e dyfishtë e cila është treguar mjaft eficente në Singapor dhe në Kore ka qenë kombinimi i dy masave ose dy elementëve njëkohësisht. Masa e plotë siç është ajo e distancimit social dhe e dyta testimi vetëm i të dyshuarve të mundshëm dhe jo i gjithkujt.
Vetëm për ato persona që kanë dyshime dhe ka të dhëna klinike se mund të jenë të infektuar. Shtrirja masive siç nisi në fillim në Kinë apo dhe në Kinë. Në Wuhan të Kinës në fillim u testuan rreth 800 mijë individë dhe vetëm 0.14 % rezultuan të prekur. Fillimisht mund të bëhen gjëra të tilla për të njohur shtrirjen e epidemisë, por tashmë ne e dimë se jemi në një pandemi shtrirja pak rëndësi në tërë popullatën por e rëndësishme është për personat e ngushtë dhe personat që shfaqin probleme të mëparshme shëndetsore. Kjo është dhe platforma që ne kemi ndjekur dhe do të plotësohet me tej me futjen e këtyre testeve,” tha Kalo në abc news.
Diskutime rreth kësaj post