Një seri artikujsh në median e huaj, kryesisht atë gjermane dhe britanike, i kanë bërë thirrje vendeve të BE që të mos pengojnë nisjen e negociatave me Maqedoninë e Veriut.
Për Shqipërinë bëhet fakt i kryer që nuk do ketë negociata, por maqedonasit kanë nisur një ofensivë diplomatike në vendet dyshuese, kryesisht në Gjermani.
Ndërsa qeveria e shqiptarëve e ka pranuar fatin e saj të zi, duket se Maqedonia ia ka dalë. Portali kryesor i Brukselit, EuObserver shkruan se Gjermania do hapë negociatat për Maqedoninë e Veriut në shtator, kurse për Shqipërinë situata nuk është e mirë. Ky portal shkruan se rrugët e Shqipërisë dhe Maqedonisë janë ndarë.
Gjatë fushatës së lobimit nëpër vendet e BE është përfshirë edhe presidenti i ri i vendit, Stevo Pendarovski. Ja çfarë thotë ai për EurActiv kur e pyeti nëse është e drejtë që të lidhet fati i integrimit të Shqipërisë me atë të Maqedonisë së Veriut.
‘A do të ishte e drejtë për Shqipërinë dhe qytetarët e saj, nëse dhjetë vjet më parë dikush do u kërkontë që të mos hyjnë në NATO, sepse kemi pasur një problem me Greqinë? Ne mbetemi partnerë, ne kemi të njëjtat qëllime në mendje’, thotë ai.
‘Problemi më i madh është ‘ndarja’ me Shqipërinë. Shqipëria tani është në rrëmujë. Opozita është larguar nga institucionet dhe situata po bëhet më e tensionuar. Pra, çfarë mund të themi këtu? Kemi pasur rekomandime pozitive nga Komisioni më parë dhe ne jemi ‘veçuar’’, thotë ai.
Pendarovski kujton se procedura e ‘decouplage’ (veçimit) është përdorur dy herë të tjera në dëm të Maqedonisë, në vitin 2011 kur u shkëput nga Mali i Zi dhe në 2013 kur u shkëput nga Serbia, ku kjo e fundit përfitoi hapjen e negociatave dhe Shkupi jo për shkak të problemit të emrit me Greqinë.
Diskutime rreth kësaj post