Për kreun e demokristiane, Nard Ndoka tha se Basha duhet të heqë dorë nga demagogjia, sepse nëse kemi një demagog, ai është Edi Rama.
Ndoka tha se Opozita të mos kthehet me deklarata të tilla për nisje lufte në shënjestër për rrjetet sociale duke u bërë qesharake.
“Basha duhet të heqë dorë nga demagogjia, sepse nëse kemi një demagog, ai është Edi Rama. Ai është në të drejtën e tij se i ka blerë dhe i ka mashtruar votat dhe vazhdon prej 8 vitesh kështu. Basha nuk mundi që përtej kësaj situate të bindë qytetarët. Këto janë fjali boshe për opozitën. Opozita të mos kthehet me deklarata të tilla për nisje lufte në shënjestër për rrjetet sociale duke u bërë qesharake. Sot shohim një lider të opozitës që duhet të marrë përgjegjësi për opozitën dhe gabimet që ka bërë dhe të vendosë një strategji të qartë të opozitës, jo me budallallëqe me reforma territoriale për të ndarë influencat me PS-në.
Opozita duhet të vendosë disa opozita për kontributin e saj kombëtar, jo për mekanizma për 3-6 muaj, apo për zgjedhjet lokale. Nuk është të sillemi se hajt se po bëjmë opozitë. Kjo nuk është axhendë opozitare, që të presim se kur rrufetë do të bien mbi Ramën. Unë nuk shoh një PD që është më demokratike, përkundrazi, sot hapa pas. PD është në një situatë emergjente. Nuk kemi as një opozitë funksionale, sepse jemi të çuditur. Nuk kemi një axhendë të përbashkët. Nuk e di se di një lider opozite do të futet në beteja të mëdha, pa i caktuar detyrat në llogore.“-tha Ndoka.
Ndoka shtoi se që qytetarët e dinë se kjo qeveri i vodhi zgjedhjet edhe një mbështetje të ndërkombëtarëve si dhe qytetarët janë të zhgënjyer.
“Sigurisht që qytetarët e dinë se kjo qeveri i vodhi zgjedhjet dhe qytetarët janë të zhgënjyer. Duhet thënë se kjo ka pasur edhe një mbështetje të ndërkombëtarëve. Kjo duhet pranuar, sepse nuk duhet ulur koka përballë një faktori ndërkombëtar që sillet në mënyrë të njëanshme, sepse opozita është një institucion. Ne garantojmë institucionin e opozitës, nuk e garanton BE-ja këtë gjë.“-shprehet Ndoka.
Diskutime rreth kësaj post