Nano lëshon gjuhën keq: Berisha po vdes politikisht, po e pret pjesa më e pagdhendur e shoqërisë

Berisha është duke vdekur politikisht, nëpër rrethe po e pret pjesa më e pagdhendur e shoqërisë”. Kështu wshtw shprehur gazetari Mustafa Nano, teksa fliste për takimet e ish-liderit të PD Sali Berisha me bazën. Sipas Nanos, në PD të gjithë janë duke ndjekur yllin e interesit të tyre dhe se me Bylykbashin dhe Spahon, mbyllet historia e kampeve Basha-Berisha.

Intervista:

Nano: Dëgjuam ish-kryeministrin Sali Berisha, që të aludonte për një takim mes Ramës dhe Bashës në Slloveni.

Mendoni se ka ndodhur një bisedë e tillë?

Nano: Nuk do ishte asgjë e keqe. Ne merremi për 30 vite me radhë me insinuata. Nëse takohen le të takohen s’ka asgjë të keqe, janë shqiptarë. Ata janë takuar dhe herë të tjera dhe kanë bërë dhe marrëveshje, por unë besoj që marrëveshje mund të bëhen, por jo në këtë moment. Ajo që ndodhi në Gjirokastër, tregon se Berisha është duke vdekur politikisht, janë duke e pritur nëpër rrethe pjesa më e pagdhëndur e shoqërisë dhe e vetmja gjë që po arrin Berisha, është dëmtimi i PD.

Po shtohen emrat e demokratëve që po mbështesin Berishën?

Nano: Të gjithë janë duke ndjekur yllin e interesit të tyre dhe mendoj se me Bylykbashin dhe Spahon mbyllet historia e kampeve Basha-Berisha. Unë besoj që këto emra janë të fundit që do rekrutojë nga Grupi parlamentar. Karriera e tyre është dhuratë që ua ka bërë Berisha. Berisha ka siguruar 1800 nga 1500 firma që i duhen për të thirrur Kuvendin Kombëtar. Megjithatë, ai ka deklaruar se do të mbledhë dyfishin e tyre.

Mendoni se Berisha i druhet mosnjohjes së firmave, apo e bën për të treguar forcë?

Nano: Besoj është duke u menduar nëse do ndjekë këtë rrugë, por mund të ndjekë edhe rrugë të tjera, ka disa opsione dhe me këtë mund të shpjegohet. Berisha i ka firmat për Kuvendin Kombëtar, por ai vetë nuk e di nëse do ishte gjëja e duhur. Do ishte për të ardhur keq që një problem në PD, të zgjidhej në rrugë. Me rregull në PD duhet të flisnin forumet, besoj Berisha do jetë viktimë i gjithë gjërave që ai vetë ka shpikur.

Qindra qytetarë morën pjesë në protesta, por sërish nuk ishte mjaftueshëm.