Ka nisur protesta studentore në rrethe, si dhe në kryeqytet para Kuvendit. Ashtu si ditën e djeshme studentët janë dyndur në rrugët e qytetit me parulla dhe pankarta të ndryshme, ku nuk kanë munguar dhe ironitë.
“Nana m’tha s’du nuse që pranon negociata, ishalla m’del rrisku në protestë”, është njëra nga mesazhert që shkruhet në pankartat që mbajnë në duar studentët në Shkodër, që nuk është e vetmja.
Studentë të shumtë janë dyndur edhe në rrugët e qytetit të Korçës me pankarta dhe thirrje te ndryshme drejtuar Ministrisë së Arsimit dhe qeverisë.
Së bashku me studentët janë bashkuar edhe gjimnazistët. Me parullën “Studentët e bashkuar kanë për të fituar” ata kanë marshuar në rrugët e qytetit. E veçanta është se ditën e sotme ata e kanë nisur protestën duke mbajtur 1 minut heshtje për arsimin e dështuar në Shqipëri.
Edhe në Elbasan ka nisur protesta, ku studentët kanë marshur drejt infermierisë. Më pas ata do nisen drejt Tiranës.
Protesta studentore pritet të nis sërish edhe në Tiranë por edhe rrethe të tjera. Pavarësisht thirrjeve për dialog të kryeministrit studentët mbeten të vendosur që më parë duhet të plotësohen 8 kërkesat e tyre.
Ne Berat, në protestë kanë dalë gjimnazistët, në përkrahje të studentëve. Kristaq Kapo, gjimnazi kryesor zhvillon mësimin me orë të reduktuara për të shmangur pushimin e madh dhe daljen e nxënësve nga godina.
Lëvizja e gjimnazistëve ka nisur të ndihet dhe në qytetin e Beratit. Nje grup nxënësish u mblodhën në qendrën e qytetit, duke dalë në mbrojtje të studentëve në Tirane dhe gjithë vendin. Ata janë shprehur se do të ishin më të shumtë në numër nëse do të lejoheshin të dilnin nga shkolla. Në mbështetje të tyre kanë dalë dhe qytetarë. Nga ana tjetër burime nga kjo shkollë bëjnë me dije se orët janë zhvilluar sot më të shkurtuara për shkak të kushteve të motit, temperaturat te ulëta.
Edhe në Elbasan ka nisur protesta, ku studentët kanë marshuar drejt infermierisë. Më pas ata do nisen drejt Tiranës.
Diskutime rreth kësaj post