E ftuar në emisionin ‘Rudina’, gazetarja Rashela Shehu tregoi si e ka përjetuar raportimin nga terreni mbi situatën e krijuar nga tërmeti i 26 Nëntorit.
“Është nga ato situatat, rastet, raportimet që na e ka shkundur të gjithë qënien, qoftë nga pikëpamja profesionale. Është raportimi im më i vështirë, por natyrisht i tillë ka qenë edhe për kolegët. Nga ato situata që mund ta quaja situatë lufte. Por nga ana tjetër, ne nuk jemi më të njëjtët, na ka ndryshuar si njerëz. Jemi rikthyer edhe në vlerën e një përqafimi, buzëqeshjeje. Përjetimi ka qenë shumë i fortë, prej kaq ditësh unë nuk e njoh më gjumin. Brenda meje vijojnë dhe mbeten para syve të njëjtat plane, skena, përjetime të atyre njerëzve që u kthyen në përjetimin tonë“, është shprehur ajo.
Po ashtu ajo ka treguar se të shihje familjarë që luteshin për të shpëtuar njerëzit e afërt, ishte shumë e dhimbshme. “Prisnim për të raportuar për njerëzit që do dilnin nga rrënojat dhe nuk kishte gjë të vështirë sesa të shikoje familjarët që luteshin para rrënojave, para ekipeve të shpëtimit, luteshin para nesh nëse kishim informacion apo jo. Ka qenë raportim në një peshë njerëzore, profesionale, morale shumë të fortë. Nuk kishte gjë më të vështirë, teksa shikoje familjarët të vënë rradhë kur sinjalizohej për nxjerrjen e një trupi, të cilët prisnin nëse nga rrënojat do dilte familjari i tyre”.
VIDEO:
Diskutime rreth kësaj post