Moti i keq ka prekur këtë fundjavë Italinë, me një forcë më të madhe në zonën e Veriut të vendit, ku ka pasur reshje bore, të shiut dhe përmbytje në zona të ndryshme të vendit.
Një alarm “i kuq” është lëshuar nga autoritetet lokale dhe qeveritare në disa sektorë të Venetos, Friuli-Venezia Giulia dhe në Provincën Autonome të Bolzanos.
Alarm “portokalli” ndërkohë është aktivizuar në Emilia-Romagna, Lazio, Provinca Autonome e Trento, Umbria, Abruzzo, Campania, Molise, Puglia, Kalabria dhe në të gjithë territorin e Siçilisë.
Shërbimi hekurudhor është ndërprerë në disa zona, ndërkohë që ka pasur edhe rënie të ortekëve në Dolomite dhe Sesto.
Në rajonet më të prekura, kanë rënë 80 deri në 140 cm dëborë. Në shumë rajone, nga 60 deri në 110 cm dëborë, parashikohet se do të bjerë sot pasdite.
Një tjetër problem ka qenë edhe dalja nga shtrati e lumenjve, që ka shkaktuar përmbytje të mëdha pas reshjeve të dendura të shiut.
Diskutime rreth kësaj post