Një erë e fuqishme me rreth 70 kilometra në orë, fryn sonte në Shkup, ku në pjesë të ndryshme të qytetit, ka edhe çati dhe drunj të shkulur që pengojnë komunikacionin.
Nëpërmjet një postimi në faqen zyrtare në Facebook, Bashkia e Shkupit i paralajmëron qytetarët të mos dalin nga shtëpitë e tyre nëse nuk kanë nevojë dhe të shmangin shëtitjet nëpër rrugica dhe të mos parkojnë veturat poshtë pemëve.
“Autoritetet e Bashkisë së Shkupit janë të gatshme për pastrimin e borës, ndërsa ‘Parqet dhe gjelbërimet’ tashmë janë në terren dhe i heqin degët dhe drunjtë nëpër rrugë”, shprehen nga Bashkia e Shkupit.
Nga Drejtoria për Punë Hidrometeorologjike njoftuan se sonte do të ketë ndryshim të motit me reshje të shiut dhe borës por edhe me ulje të temperaturave.
Era e fuqishme dhe moti i keq la disa pjesë të Shkupit pa rrymë. Disa banorë të lagjeve Vlae dhe Hrom po ankohen se kanë mbetur pa energji elektrike.
Diskutime rreth kësaj post