Ish deputeti i PD, Genc Pollo ka zbuluar çfarë thonë zyrtarët e huaj biseda private për drejtimin e vendit nga kryeministri Edi Rama. I ftuar në emisionin “Aktualitet”, Pollo hodhi poshtë spekulimet se ambasadorët e huaj janë të blerë nga Rama duke thënë se nuk është detyra e tyre ti bëjnë thirrje popullit që të kundërshtojnë kryemnistrin dhe askush nuk duhet të presë deklarata të tilla.
“Ka një kontradiktë në mënyrën se si e shikoj këtë pjesë për pyetjen “Pse nuk flasin ambasadorët?” Shumë zyrtarë të huaj privatisht thonë përse nuk ngrihet populli shqiptar të kundërshtojë Edi Ramën. Dhe ne natyrisht nga izolimi i tmerrshëm i Enver Hoxhës, nga mbështetja shumë bujare e Evropës, Amerikës dhe botës kemi krijuar një lloj psikologji varëse dhe kjo na kthehet ndonjëherë në boomerang sepse qëllon që edhe disa zyrtarë të caktuar bëjnë gabimet e tyre, njerëz janë dhe ata, nuk do të thotë që i ka blerë Edi Rama por ama po të shikosh kushtet e BE-së, është qeveri që duhet të ndryshojë. Të gjithë thonë shiko çfarë bëri Bjellorusia, ju ku jeni.
Nuk po them se nuk janë ngritur shqiptarët se para një vit në rrugë ishin, por këto janë procese edhe me vështirësitë e tyre. Mos prisni që të ngrihet Soreca dhe të thojë që duhet të ikë Edi Rama. Nuk është detyrë e tij”, – tha Pollo.
Diskutime rreth kësaj post