Ministri i Brendshëm, Sandër Lleshaj i ka bërë thirrje të gjithë banorëve të pallatit 12-katësh në Lezhë që të kthehen në banesat e tyre.Sipas ministrit, ekspertë të huaj dhe vendas kanë vlerësuar se pallati nuk ka rrezik dhe është i sigurt.
“Jemi këtu për të parë shqetësimet që kanë ngritur banorët e këtij pallati. Po ta shkurtojë përkufizimin e kësaj situatë, kësaj i thonë shumë zhurmë për asgjë. Janë bërë dy ekspertiza një nga ekspert shqiptar dhe një nga ekspertë izraelitë dhe konkluzioni është i njëjtë, pallati nuk ka një problem me sigurinë e tij. Zhurma e ngritur është shumë zhurmë për asgjë. Me këtë rast ftoj gjithë banorët e pallatit që të kthehen në shtëpitë e tyre dhe të na lënë mundësi të merremi me probleme të shumta që ka në vende të tjera. Problemet nuk janë këtu. Këtu njerëzit duhet të kthehen në jetën e tyre të përditshme.
Nuk ka asnjë problem me sigurinë e këtij pallati. Ju lutem të gjithë atyre që po e përdorin mos bëjnë zhurmë kot. Ata që duan të ndihmojnë le të ndihmojnë, ata që nuk duan të ndihmojnë te heshtin dhe të mos përhapin panik.Ju ftoj kthehuni në shtëpitë tuaja. Pallati është i qëndrueshëm. Kthehuni dhe mbyllni veshët për cdo njeri që përhap lajme të pavërteta.”– ka thënë Sandër Lleshaj.
Ministri ka debatuar edhe me ish-deputeten e PD, Lindita Metaliaj, që sipas saj vlerësimi nuk është bërë siç duhet nga ekspertët, ndërsa e akuzoi ministrin për arrogancë.
Debati:
Lindita Metaliaj: Ekspertët nuk i kishin të gjitha pajisjet. Këtu banojnë 140 familje, kush janë ekspertët. Ju nuk i certifikoni dot, ju nuk jeni ekspert. Në radhë të parë ju duhet ti kërkoni falje popullit të Lezhës për fyerjen dhe arrogancën që i bëri dje. Unë jam Lindita Metaliaj, banoj në lagjen “Beslidhja”, jam këtu për të mbështetur qytetarët.
Sandër Lleshaj: Shiko punën.
Lindita Metaliaj: Nuk më tregoni mua punën, ju gjeni punën ku e keni. Trup të keni për arrogancën.
Diskutime rreth kësaj post