Kënga e fundit e këngëtares së njohur, Aurela Gaçe, “Lento lento” u prit mjaft mirë dhe u pëlqye shumë nga të gjithë. Mirëpo pati dhe nga ata që e kritikuan këngëtaren për zgjedhjen e saj. Një prej tyre që e bëri përmes një analize menjëherë pas publikimit të “Lento-lento” ishte ajo e gazetarit Aleksandër Çipa, i cili kishte rezerva për tekstin.
Megjithatë Aurela nuk ka preferuar t’i përgjigjet, duke shijuar suksesin e këngës gjatë këtyre javëve. Sot e ftuar tek “Rudina”, këngëtarja u përgjigj në mënyrë të tërthortë. Aurela u shpreh se këtë këngë e zgjodhi nga pozitiviteti dhe gëzimi që përcjell, për t’i dhënë më shumë ngjyra jetës së atyre që e dëgjojnë.
“S’do ta limitoj veten në asgjë që bëj. Nëse më pëlqen diçka do ta bëj. Nuk kam rregulla”, tha Aurela. Përveç se është një nga këngëtaret më të dashura, Aurela pëlqehet shumë edhe për spontanitetin dhe energjinë e saj, ndaj përgjigjet e saj gjithmonë marrin mbështetjen e të gjithëve, ashtu si me siguri do ndodhë edhe me deklaratën e sotme.
Diskutime rreth kësaj post