Monika Kryemadhi paraqitet në SPAK, batuta me gazetarët për veshjen me të zeza

Ditën e sotme, deputetja e Partisë së Lirisë, Monika Kryemadhi, është paraqitur në SPAK. Kryemadhi u paraqit në ambientet e Prokurorisë së Posaçme, në kuadër të respektimit të masës së sigurimit të vendosur ndaj saj, detyrim paraqitje.

Gjatë hyrjes në Prokurori, ajo tha për gazetarët se orari i paraqitjes i ishte shtyrë me një orë, ndërsa tha se do të fliste me ta pasi të dilte, teksa u pyet se përse ishte veshur me rroba të zeza.

“Nuk është se kam ndonjë gjë të keqe, por do ua them pastaj”, tha Kryemadhi.