Presidenti Donald Trump pësoi një humbje vendimtare në përpjekjen e tij për t’u rizgjedhur president i Shteteve të Bashkuara.
Votuesit votuan dhe verdikti i tyre është i qartë: Presidenca e Trump do të përfundojë në 20 Janar 2021. Ajo që nuk është e qartë është se sa më shumë dëm do t’i bëjë Trump vendit para se të vijë ajo datë.
Pas katër viteve të minimit të demokracisë amerikane, Trump ka ndërmarrë sulmin e tij të radhës që do i kthejë të gjithë kundër, duke hedhur poshtë rezultatet e zgjedhjeve dhe duke mobilizuar mbështetësit e tij më të zjarrtë që do të përpiqen për të përmbysur rezultatin – i cili duket i pamundur ose më shumë gjasa do të krijojë dyshime për rezultatet përfundimtare.
Kjo do të mbronte imazhin e tij si një udhëheqës i pamposhtur dhe kështu do të mbronte fuqinë e tij politike duke ndikuar në politikën e SHBA-së apo edhe të kandidonte përsëri në 2024.
Sipas CNN, fushata e Trump po planifikon një ”fushatë mesazhesh” për të amplifikuar pretendimet e tij të rreme se zgjedhjet janë vjedhur. Nëse dikush nuk mund të pranojë që ka humbur ai është Trump dhe ditët dhe javët e ardhshme mund të sjellin tubime të njëjta si të fushatës – ngjarje që mund të përhapin Covid-19.
Presidenti i zgjedhur Joe Biden fitoi votat e popullit me më shumë se 4 milion vota diferencë – totali i votave më të larta se çdo kandidat tjetër në historinë e republikës. Fitorja e Biden në Kolegjin Zgjedhor është duke u zgjeruar, me një diferencë të thellë.
Në luftë me të vërtetën, Trump mbajti një fjalim duke pretenduar se zgjedhjet po vidheshin dhe shkroi në Twitter, “Unë kam fituar zgjedhjet!”
Tashmë, teoritë e konspiracionit po përhapen si një zjarr i furishëm pas një thatësire të gjatë. Të ashtuquajturat protesta “Ndaloni vjedhjet” janë përhapur në të gjithë vendin. Grupet u rritën nga një faqe në Facebook e mbushur me video të rreme që provonin mashtrimin e votave ndërsa Trump i hodhi më shumë zjarr konspiracionit, duke tërhequr pas vetes qindra mijëra ndjekës në orë – një nga faqet me rritje më të shpejtë të Facebook në historinë e platformës, sipas The New York Times para se Facebook ta mbyllte atë.
Dy ditë pas zgjedhjeve, ish-shefi i sigurimit në Facebook, Alex Stamos, shkroi në Twitter , “Kjo është ngjarja më keq-informuese në internet në historinë e SHBA-së.”
Ndërkohë, sfidat ligjore të Trump nuk janë në rrugën e duhur tani për tani. Gjykatat po hedhin poshtë pretendimet për mashtrim, dhe nga ana tjetër po zhvillojnë një fushatë paralele dezinformimi. Komplotet, videot e rreme, pretendimet e pabazuara, po promovohen dhe amplifikohen nga presidenti, djali i tij Donald Trump Jr dhe të tjerët rreth tij, transmeton abcnews.al
Fushata e Trump pretendon se një numër i madh votash në Michigan ishin në emrat e njerëzve të vdekur. CNN shqyrtoi provat që supozohet se tregojnë se ka ndodhur diçka e tillë dhe nuk gjeti një shembull të vetëm . Guvernatori Georgias, republikani Geoff Duncan, ka deklaruar se ai nuk ka parë asnjë provë se ka pasur manipulime apo parregullsi në votime.
Në fakt, nuk ka asnjë provë të besueshme që Biden ka manipuluar votimet dhe zgjedhjet duket se kanë qenë të rregullta, ndoshta sepse zyrtarët e zgjedhjeve ishin nën presion për të mbrojtur sistemin nga ndërhyrjet e brendshme apo të jashtme.
Por mbështetësit e Trump vazhdojnë ta mbështesin atë. Senatori Lindsey Graham ka deklaruar të dielën: “Mos prano rezultatin president, lufto fort”.
Refuzimi i Trump për të pranuar tashmë të vërtetën po dëmton tranzicionin. Administratorja e Shërbimeve të Përgjithshme, Emily Murphy, ka refuzuar të shkruajë letrën që ekipi i tranzicionit të Biden ka nevojë për të marrë qasje në burimet e nevojshme për administratën e ardhshmem, në mënyrë që të përgatitet për detyrat e tij.
Më pak se një javë para Ditës së Zgjedhjeve, Shtëpia e Bardhë punësoi një shef të ri të zyrës së këshillit të përgjithshëm në GSA, një tjetër i emëruar nga Trump. Pengesat për tranzicionin do të dëmtojnë të gjithë vendin.
Fushata dezinformuese e Trump është versioni më i rrezikshëm i strategjisë së ”fakteve alternative” që ai filloi pas inaugurimit të tij në 2017.
Kjo është pikërisht çfarë ai u tha amerikanëve: që të injoronin atë që kishin parë me sytë e tyre dhe të besonin se miliona të tjerë kishin marrë pjesë në këtë ngjarje sesa u shfaqën në ekranet e televizioneve duke treguar hapësira të gjera bosh.
Në atë kohë, ai e mohoi realitetin për të forcuar imazhin e tij. Ajo që po ndodh tani është padyshim shumë më e dëmshme. Trump po zgjedh ta përfundojë presidencën e tij në të njëjtën mënyrë si e filloi atë, duke sulmuar të vërtetën dhe duke minuar institucionet e kombit.
Amerikanët e dinë saktësisht kush është Trump. Ai gënjeu që nga dita kur erdhi në zyrë, dhe ai po vazhdon ta bëjë.
Kjo nuk është diçka që duhet të befasojë Amerikën. Ajo që është ende befasuese është se ka kaq shumë republikanë që dikur ishin nëpunës publik të nderuar kanë zgjedhur t’i bashkohen sulmit të tij kundër demokracisë amerikane. Në fund, Trump do të duhet të largohet nga Shtëpia e Bardhë, pavarësisht nëse i pëlqen apo jo. Por shenjtorët politikë të tij do të largohen nga vendi të plagosur.
Nga Frida Ghitis, CNN
Diskutime rreth kësaj post