Me fakte dhe e shkruar e zeza mbi të bardhë, në media u zbulua se gazetaret Mira Kazhani dhe Bieta Sulo paguhen me taksat e qytetarëve të Tiranës për mbështjetjen ndaj “Rilindjes”.
Kazhani paguhet me plot 830 mijë lekë të vjetra në muaj nga ndërmarrja e Ujësjellës Kanalizimeve Tiranë, e cila “ushqehet” nga taksat e banorëve të Tiranës. Madje rezultoi se Mira Kazhani përpos profesionit të gazetares është edhe këshilltare ekonomike e drejtorit të UKT-së Tiranë.
Po ashtu, u zbulua edhe që Sulo paguhet me një rrogë prej 550 mijë lekësh të vjetra në muaj, ku figuron e punësuar si specialiste në këtë ndërmarrje.
Ky lajm bëri bujë të madhe dhe u akuzua edhe kreu i Bashkisë së Tiranës, Erion Veliaj se po i shpërblente gazetaret për lajkat që i bëjnë.
Ndërsa Veliaj në emisionin “Real Story’’ ka thënë:
Përsa i përket një kompanie, siç është UKT-ja, e cila është një nga kompanitë më të mëdhaja në qytet, ndoshta pas OSHEE, e cila ka nevojë gjithmonë për të marrë këshilltarë, specialistë mediash, konsulentë, për të marrë audit, për të marrë ekspertë kredie. Pra më të mirët që ka tregu, kjo është një gjë që ndodh tipikisht. Kolegët e zotit Lela në Britani, kolegët e tij në Boston, punojnë rregullisht për kryetarët e bashkisë. Kështu që një kompani e qytetit merr eksperiencë dhe kërkon nga specialistë të medias, për mënyrën sesi do të komunikojë reforma të caktuara, për mua ka rëndësi bilanci.
Mesa duket Veliaj e ka patur justifikim për këtë gjë gati. Lajmi se Kazhani dhe Sulo marrin rrogë në UKT solli një reagim të madh nga ana e qytetarëve, por pati reagim edhe nga figura të njohura, duke thënë se dy gazetaret e marrin rrogën kot.
Diskutime rreth kësaj post