Ministrja Manastirliu tregon çfarë po ndodh tek Trauma

Ndërkohë që e gjithë vëmendja është përqendruar në luftën kundër koronavirusit, në spitalin e Traumës, vijon puna pa ndërprerje.

Ministrja e Shëndetësisë, Ogerta Manastirliu, shkruan në “Facebook” se stafi mjekësor i Traumës ka përballuar në këtë periudhë të vështirë më shumë se 450 ndërhyrje kirurgjikale urgjente në muajin e fundit dhe rreth 4 mijë vizita në urgjencë.

Mesazhi i Manastirliut:

“#Vijon puna pa u ndalur në spitalin universitar të #Traumës, ku janë përqëndruar ndërhyrjet urgjente kirurgjikale në këtë situatë të pazakontë.

Me masa të përforcuara, me mjetet e mbrojtjes personale, stafi mjekësor ka përballuar më shumë se 450 ndërhyrje kirurgjikale urgjente në muajin e fundit dhe rreth 4 mijë vizita në urgjencë.

#BASHKË

#ShëndetësiaNëGatishmëri”