Për të gjithë dashamirësit e aventurave në timon, po zhvillohet në Tiranë panairi “Automotive Fair Albania”, i cili ngriti siparin një ditë më parë, ku do të zgjasë deri në datën 19 Qershor.
E ftuar në Report Tv, Ministrja për e Shtetit për Sipërmarrjen, Edona Bilali, tha se rolin kryesor e kanë prodhuesit e pjesëve të makinave, ndërsa shtoi se ndërlidhen mjetet retro, me makinat të cilat punojnë me energji të rinovueshme.
Bilali tha se në panair ka edhe mundësi punësimi për punëkërkuesit nga kompanitë si dhe për investime strategjike.
“Ky është panairi i parë që mbahet për industrinë automotive në Shqipëri. Lindi si ide për të promovuar gjithë industrinë dhe për t’i bërë bashkë të gjithë aktorët. Mbledh së bashku të gjitha ekspozitat, pasi rolin kryesorë e kanë prodhuesit e pjesëve të makinave në Shqipëri. Duke lidhur mjetet retro me të ardhmen. Mjetet që ekspozohen janë mjete që lidhen me energjinë e rinovueshme që kanë edhe impakt të mirë mjedisor”, u shpreh Bilali.
Gjithashtu, Ministrja tha se në panair janë 50 pjesëmarrës nga Shqipëria, Kosova dhe Maqedonia e Veriut dhe për qytetarë është vënë në dispozicion transport falas, që niset që nga qendra e kryeqytetit.
4 janë elementët kryesorë në panair, sipas Ministres: garat, të apasionuarit pas makinave retro, intalacionet plastike dhe work shop-et.
“Në panair ka 50 pjesëmarrës që janë nga Shqipëria, Kosova dhe Maqedonia e Veriut është menduara si aktivitet rajonal dhe oferta duhet të jetë Ballkanike. Mbrëmë ishte nata e hapjes. Sot pjesëmarrja e lirë për qytetarët dhe është vënë në dispozicion transport falas, që niset nga qendra e kryeqytetit deri te ‘Expo City’. Janë 6 work shop dhe janë prekur të gjitha target grupet. 4 elementë janë kryesorët: garat, për të apasinuar mjetet retro. Kemi instalacione të bërë nga plastika për shpikësit, kemi një work shop të dedikuar për start up. Është një event që nuk duhet humbur, çdo target grup e gjen veten. Duke mos harruar dhe pjesën e punëkërkuesve, pasi ka kompani që kërkojnë punonjës. Po ashtu edhe mundësitë për investime strategjike. Nga këto 12 kompani, 10 kanë nisur operimin në Shqipëri në vitet e fundit dhe kanë rritur burimet njerëzore”, tha Bilali.
Edicioni i parë i panairit të industrisë automotive në Shqipëri, organizohet nga Ministria e Shtetit për Mbrojtjen e Sipërmarrjes në bashkëpunim me Drejtorinë e Përgjithshme të Shërbimeve të Transportit Rrugor dhe Ministrinë e Infrastrukturës dhe Energjisë.
“Automotive Fair Albania”, do t’i kushtojë vëmendje të veçantë mjeteve elektrike, si protagoniste kryesore të një zhvillimi ekologjik të qëndrueshëm.
Diskutime rreth kësaj post