Analisti i njohur Milaim Zeka teksa po komentonte protestën e Sali Berishës, Zeka deklaroi se ajo nuk kishte të bënte me Vuçiç, por për hallin e ish-kryeministrit që është shpallur si një person “non-grata” nga SHBA-të.
“Protesta e famshme që u organizua kundër Open Ballkan nuk kishte të bënte fare me hallin e Vuçiç, por me hallin e Berishës për të pushtuar selinë e PD, e të abuzonte me ndjenjat e Kosovarëve dhe Kosovën, edhe Enver Hoxha ka luajtur me kartën e Kosovës me vrasjen e Mehmet Shehut”, tha Zeka.
Ai më tej theksoi se Vuçiç me veprimet e tij po fiton pikë përpara BE-së, e cila po e afron.
“Vlerësoj qëndrimin e Vuçiç dhe po fiton pikë dhe po tregon së është i zgjuar. Për fatin e keq të Kosovës, ai po fiton simpati të jashtëzakonshme në BE, pikërisht me retorikën e tij, edhe pse false, sepse dihet retorika e Vuçiçit se ka qenë njeriu i afërt i Milosheviçit. SHBA dhe BE nuk pyesin se çfarë ka qenë dhe pyesin se çfarë bën. Paqja e Dejtonit, ishin Milosheviç dhe Tunxhman që ishin kundër boshnjakëve. Ardhja e Vuçiç në Tiranë dhe Open Ballkan sot vërteton analizën time që e kam thënë se Open Ballkan ka mbështetjen absolute të BE-së dhe SHBA e kjo ishte paraqitje e komisionerit europian”, tha ai më tej.
Ndërsa sa i përket qëndrimi të Kosovës, Zeka anatemoi kryeministrin Kurti, duke theksuar se do të ketë fatin e paraardhësve të tij që u shkarkuan falë ndërhyrjes së ndërkombëtarëve. Ai përmendi këtu precedentin e Ramush Haradinajt.
“Mali i Zi dhe Bosnja do të vijnë në tryezë, është problemi i Albin Kurtit nëse ky e mban Kosovën të izoluar, si Shqipërinë të izoluar për 50 vjet nga Enver Hoxha. Nëse ata dy vende do të bashkohen, ose do të bashkohen Kurti me Open Ballkan, ose do ta rrëzojë SHBA siç e rrëzuan Haradinajn për shkak të tarifës për mallrat serbë. Kryeministrat e Kosovës janë rrëzuar për shkak të raporteve dhe qëndrimeve me Serbinë. Rama mezi priste t’ja jepte fjalën komisionerin, e ky ishte lajmi gëzuar me Shqipërinë e Maqedonisë, se dy vendet e NATO-s, se Vuçic është zbutur që po e tërhequr fëmijën e zbutur me emrin Serbinë e po fut në gjirin e BE-së, ky është lajm i mirë. E po i thojnë Vuçiç se ti nuk mund të vazhdosh të destabilizosh Bosnjën me serbët. Edhe kjo lista e zezë, Biden do ti shkojë deri në fund spastrimit të politikanë të korruptuar”, tha Zeka.
Diskutime rreth kësaj post