Microsoft vendos paqe me Apple-in

Periudha e festave të Krishtlindjeve dhe Vitit të Ri është momenti më i mirë për të harruar të gjitha mëritë dhe për të falur. Këtë ka bërë edhe Microsoft me reklamën e realizuar së fundmi.

Microsoft dhe Apple kanë ironizuar shpesh herë njëra tjetrën në reklamat që realizojnë për produktet e tyre, por për sezonin e festave kanë vendosur paqe mes tyre.

Në videon e realizuar për sezonin e festave, gjiganti softuerik përcjell një mesazh shumë domethënës. Aty shfaqen disa punonjës të Microsoft-it dhe Apple-it duke kënduar së bashku këngë për Krishtlindje. Microsoft zgjodhi 37 punonjësit që këndonin më mirë për të marrë pjesë në reklamën e re.

Kjo video ndoshta tregon se lufta mes Mac dhe Surface ka mbaruar, ose Microsoft po përpiqet të mbajë miqtë afër, dhe armiqtë edhe më afër për sezonin e festave.