Meta reagon pas konventës ku ndryshoi emrin e LSI, tregon hapin e radhës

Pas konventës ku LSI ndryshoi emrin në Partia e Lirisë ka ardhur edhe reagimi i ish-presidenti Ilir Meta.

Ky i fundit ka falenderuar delegatët e pranishëm dhe tha se dje u përmbush hapi i parë në rivendosjen e sovranitetit të popullit shqiptar përmes referendumit.

“Me mirënjohje për të gjithë delegatët për vendimin historik të themelimit të Partisë së Lirisë. Dje hodhëm hapin e parë në përmbushjen e misionit tonë për rivendosjen e Sovranitetit të plotë të popullit shqiptar nëpërmjet Referendumit.
Tani është Koha për Veprim! Asnjë sekondë për të humbur!”-shkruan Meta.