Mesazhi që mbërriti në celularin e Fevziut lë pa fjalë moderatorin, ua lexon në sy të ftuarve. E rëndë çfarë shkruhet për Baton Haxhiun

Në emisionin e së enjtes të moderatorit, Blendi Fevziut, u diskutua mbi llogaritje se sa vota marrin partitë politike në çdo qark të vendit.

Por gjatë llogarive që bënte çdo panelist i ftuar në emision, në telefonin e drejtuesit Blendi Fevziut mbërriti një mesazh, mesa duket nga një militant partie, ku përmendte analistin Baton Haxhiu dhe nënkryetarin e Bashkisë së Tiranës Arbjan Mazniku, për të cilët shprehte pakënaqësinë e prezencës së tyre në Opinion.

Blendi Fevziu: Kam një mesazh për të kuptuar në fakt, se po e shihja tani, është për të kuptuar se si njerëzit nuk pranojnë kurrë mendimin kundër. Duan të dëgjojnë vetëm të tyren. Thotë dikush, s’e di kush është, s’e njoh si numër: Pse fton kollovarin e Vuçiçit dhe të degjeneruarin e Veliajt. Kjo – thotë – tregon që ju keni kthyer televizion”. Shef 2 veta këtej, nuk shef 3 veta këtej….

Armand Shkullaku: Ose ndoshta është me PD-në.

Blendi Fevziu: Dhe ato nuk i quan…

Armand Shkullaku: Jo…

Grida Duma: Problemi është që e ka urrejtjen shumë më të madhe.

Blendi Fevziu: Pse me urrejtje veprohet? Këtu veprohet me logjikë jo me urrejtje.

Armand Shkullaku: Militanti s’ka logjikë.