Kreu i partisë “Zgjidhja”, Koço Kokëdhima shprehet se forcat e spektrit politik shqiptar në Mal të Zi duhet të dalin me një listë të vetme përfaqësuese për zgjedhjet parlamentare të 30 gushtit.
Ai shkruan se shqiptarët duhet të kapërcejnë dasitë politike, dhe të ndjekin shembullin e partive politike.
Postimi i plotë:
“Shqiptarët e Malit të Zi duhet të bashkohen
Keqardhje që forcat e spektrit politik shqiptar në Mal të Zi ende nuk po arrijnë të dalin me një listë të vetme përfaqësuese për zgjedhjet parlamentare të 30 gushtit. Dy listat e tetë partive të ndara nuk garantojnë se ato do të kenë përfaqësimin real tw shqiptarwve, kur në zgjedhjet e vitit 2016 arritën të marrin vetëm 1 deputet në parlamentin me 81 vende, edhe pse zyrtarisht përbëjnë mbi 5 për qind të popullsisë.
Shqiptarët e Malit të Zi duhet të kapërcejnë dasitë politike, të ndjekin shembullin e partive politike në trojet e tjera etnike shqiptare, siç ndodhi me forcat politike në Luginën e Preshevës, ku ato morën 3 mandate në parlamentin e Serbisë, apo përfaqësimi si kurrë më parë i shqiptarëve në parlamentin e Maqedonisë së Veriut me 33 deputetë.
Bashkimi bën fuqinë dhe vetëm duke qenë të fuqishëm mbrohen më mirë të drejtat legjitime të shqiptarëve në Mal të Zi, ku ende vazhdon diskriminimi ndaj të drejtave kushtetuese si pakicë etnike”, shkruan Koço Kokëdhima.
Diskutime rreth kësaj post