Nevina Shtylla një nga moderatoret më të dashura të ekranit, drejtuese e formatit “Përputhen” sezonin e kaluar, ka rrëfyer për publikun në programin “ Wake Up” se ajo do të rikthehet me një tjetër projekt. Këtë herë Nevinën do ta shohim dhe si bashkëautore.
“Kam 3 vite që jam pjesë e “E Diell”, por këtë vit do të vij ndryshe. Vij me “KinoStar” si moderatore dhe si bashkëautore. Për fat të mirë është viti i 6-të që jam pjesë e televizionit dhe më shumë se frikë jam e entuziazmuar” – është shprehur moderatorja duke shtuar se KinoStar ka në qëndër aktrimin.
“Aplikimet kanë nisur dhe kemi kapur shifra rekord, rreth 1000 njerëz në javë. Janë shumë ata që e kanë ëndërr të parealizuar aktrimin, por çfarë na ka pëlqyer është se ka patur dhe shumë profesionist të fushës. Eshtë një reality show ku do të ketë juri dhe konkurrentë që do të sfidojnë njëri tjetrin me skenare dhe gjëra të tjera. Do të ketë eleminime dhe shumë surpriza rrugës.” – tregoi Nevina.
Me një nismë dhe format të ri duket që Nevina ka zgjedhur një tjetër mënyrë për të mbërthyer publikun pas ekranit.
Diskutime rreth kësaj post