Mentor Kikia u shpreh se shqetësim është integriteti publik për ata që shkojnë në parlament. Ai tha se problem i deputetëve shqiptarë është nënshtrimi ndaj kryetarit dhe u mungon kurajoja për të kundërshtuar një ligj apo vendim që bie ndesh me interesin publik. Sipas tij ky parlament do të jetë shumë më i mirë se parlamenti që po lëmë pas.
“Parlamenti detyrën parësorë e ka bërjen e ligjeve dhe njerëzit që vijnë nga jurisprudenca, janë të domosdoshëm, por përtej profesionit që ka secili prej ligjvënësve ata duhet të kenë një staturë publike. Parlamenti nuk është akademi shkencash, që të kemi ajkën e shoqërisë apo inteligjencën. Ata janë përfaqësues të popullit më shumë se elita e kombit. Është një kategori profesionistësh që udhëheqin procesin e ligjbërjes por ajo që më shqetëson është integriteti publik. Njerëz që pavarësisht statusit profesional kur shkojnë në parlament nuk janë asgjë më shumë se njerëz të bindur të kryetarit, kjo e zhvlerëson këtë njeri. Mua më duhet njeriu me integritet që kur qeverisa sjell një ligj që bie ndesh me interesat e publikut të kenë kurajon publike e qytetare që kjo nuk bën dhe duhet ndrequr. Por na rezulton që janë të nënshtruar nga vullneti i kryetarit dhe nuk na hyn në punë diploma, nëse do flasim për cilësi parlamenti. Çdo parlament do jetë më i mirë se ky që po lëmë”, tha ai për A2.
Kikia thekson se në parlament ka biznesmenë pa asnjë aftësi por thjesht kanë ngritur kartonin, i cili është përkthyer në licensë për biznesin e tyre. Po ashtu një tjetër problem janë njerëzit me rekorde kriminale, thekson Kikia, i cili shton se parlamenti ëhstë ktheyr në noterizues të vendimeve dhe ligjeve të qeverisë.
“Kemi patur biznesmenë që nuk kanë aftësi në asnjë fushë dhe nuk kanë folur dhe kanë shërbyer për të ngritur kartonin dhe më pas kanë vazhduar të bëjnë biznes duke e kthyer kartonin në licensë, këta vazhdojnë të jenë ka njerëz me rekorde kriminale që vazhdojnë të jenë. U mbyllën derën, hynë nga dritarja. Këta e kanë për detyrë të jenë të nënshtruar dhe janë profesionistët që dua të shoh do kenë kurajon për të kundërshtuar apo do jenë të nënshtruar për të çuar në fund vullnetin e kryetarit. Edhe shumë deputetë të mazhorancës janë të mllefosur jashtë parlamentit për shumë ligje, por në parlament nuk e ngrenë zërin. Këtu duhet të fillojë ndarja, nëse ti nuk ke kurajon që gjëja që po bën është në dëm të interesave publike, por frika se i kanë dhënë shumë pushtet kryetarit, i cili i masakron publikisht, zgjedhin të ulin kokën, kafshojnë gjuhën dhe votojnë. Parlamenti është institucioni ligjbërës, ka qenë institucioni që ka noterizuar vendimet e qeverisë. Nuk mbaj mend të ketë kthyer mbrapsht një vendim të qeverisë. Deputetë thjesht votojnë afrofe”.-u shpreh Kikia.
Diskutime rreth kësaj post